ឈីបា ទីក្រុងនៅប្រទេសជប៉ុន អនុញ្ញាតិអោយមានលិខិតបញ្ជាក់ទំនាក់ទំនងរវាងអ្នកស្រលាញ់ភេទដូចគ្នា

រូបថត Gaijinpot

ឈីបា - ប្រទេសជប៉ុន៖ ថ្ងៃទី២៩ ខែមករា ឆ្នាំ២០១៩

ឈីបា បានក្លាយទៅជាទីក្រុងទីមួយនៅប្រទេសជប៉ុនដែល ដែលបានចេញវិញ្ញាបនបត្របញ្ជាក់ពីទំនាក់ទំនងរវាងដៃគូរអ្នកស្រលាញ់ភេទដូចគ្នា និងដៃគូរភេទផ្ទុយដែលមិនចង់រៀបការ។ -Asahi

នៅថ្ងៃទី២៩ ខែមករា ឆ្នាំ២០១៩នេះ មានគូរស្នេហ៍៦មួយគូរ ទាំងអ្នកស្រលាញ់ភេទដូចគ្នា និងអ្នកស្រលាញ់ភេទផ្ទុយ បានធ្វើលិខិតបញ្ជាក់ពីជីវិតគូររបស់ពួកគេ និងបញ្ជូនទៅមន្ត្រីគ្រប់គ្រងនៅទីក្រុងនោះ ហើយក៍ទទួលបានវិញ្ញាបនបត្របញ្ជាក់ពីទំនាក់ទំនងដៃគូររបស់ពួកគេ។

ទោះបីជាវិញ្ញាបនបត្របញ្ជាក់ពីទំនាក់ទំនងដៃគូនេះ មិនមានតម្លៃស្មើរនឹងសំបុត្រអាពាហ៍ពិពាហ៍ក៍ពិតមែន តែវាបានផ្ដល់សិទ្ធស្របច្បាប់ចាំបាច់មួយចំនួនដូចជា៖ ការរស់នៅជាមួយគ្នា ការមានលំនៅស្ថានរួម និងការទៅសួរសុខទុក្ខដៃគូរនៅមន្ទីពេទ្យនៅពេលដៃគូរមានអាការៈធ្ងន់ធ្ងរ។

គួរបញ្ជាក់ផងដែរ អ្នកដែលអាចស្នើរសំុលិខិតនេះបាន លុះត្រាតែមានអាយុចាប់ពី២០ឆ្នាំឡើងទៅ ហើយត្រូវតែជាអ្នករស់នៅទីក្រុងនេះ រឺជាអ្នកផ្លាស់ប្ដូរមកនៅទីក្រុងនេះ។

ងាកមកមើលប្រទេសកម្ពុជាយើងវិញ យើងក៍មានការចេញលិខិតប្រភេទនេះផងដែរ តែមិនទាន់ច្បាស់ថាវាមានការទទួលស្គាល់ធំឬច្រើនប៉ុណ្ណា៕

អាន៖ កិច្ចសន្យាស្នេហ៍ ឬសេចក្ដីថ្លែងទំនាក់ទំនងគ្រួសារ