កិច្ចសន្យាស្នេហ៍ ឬសេចក្ដីថ្លែងទំនាក់ទំនងគ្រួសារ

ថ្វីបើប្រទេសកម្ពុជាពុំទាន់មានច្បាប់រៀបអាពាហ៍ពិពាហ៍សម្រាប់អ្នកស្រលាញ់ភេទដូចគ្នា ស្របគ្នានេះ ក៍មិនមានច្បាប់ណាហាមឃាត់ការស្រលាញ់ភេទដូចគ្នានោះដែរ។ តែការរស់នៅជាមួយគ្នាដោយគ្នានច្បាប់ការពារ និងការទទួលស្គាល់ពីទំនាក់ទំនងរបស់ពួកគេទាំងពីរ វាពិតជាមានផលវិបាកសម្រាប់ភាគីណាម្នាក់ ឬភាគីទាំងសងខាង។

នៅក្នុងវីដេអូ ៦នាទីជាងរបស់ សហគមន៍ឥន្ទធនូកម្ពុជា Rainbow Community Kampuchea-rock បានបង្ហាញពីដំណោះស្រាយសម្រាប់អ្នកស្រលាញ់ភេទដូចគ្នានៅកម្ពុជាដែលមានបំណងចង់រស់នៅជាមួួយគ្នា។

ដើម្បីអោយយល់កាន់តែច្បាស់ តោះទៅស្ដាប់សេចក្ដីពន្យល់ជាមួយនឹងវីដេអូនោះទាំងអស់គ្នា៖ កិច្ចសន្យាស្នេហ៍ ឬសេចក្ដីថ្លែងទំនាក់ទំនងគ្រួសារ

ដើម្បីអាចចុុះសេចក្ដីថ្លែងទំនាក់ទំនងគ្រួសារបាន អ្នកស្រលាញ់ភេទដូចគ្នាត្រូវមាន និងបំពេញលក្ខខណ្ឌមួយចំនួនដូចជា៖

១. មានអាយុចាប់ពី១៨ឆ្នាំឡើងទៅ

២. ភាគីទាំងសងខាងត្រូវមានការស្ម័គ្រចិត្ត ដោយគ្មានការបង្ខិតបង្ខំ

៣. រស់នៅក្រោមដំបូលផ្ទះជាមួយគ្នាចាប់ពី៥ឆ្នាំឡើងទៅ ឬជាដៃគូរដែលរួមរស់ជាមួយគ្នាចាប់ពី៣ឆ្នាំឡើងទៅ

៤. មានការទទួលស្គាល់ពីក្រុមគ្រួសារ និងចាស់ទុំក្នុងភូមិឃុំរបស់ខ្លួន

៥. មានការរៀបចំសែនព្រេន ឬរៀបការតាមប្រពៃណី

៦. ត្រូវមានសាក្សី២នាក់ ដែលអាចបញ្ចាក់ពីរយៈពេលនៃការក៍សាងគ្រួសាររបស់អ្នក

៧. អ្នកត្រូវចុះសេចក្ដីថ្លែងទំនាក់ទំនងនៅចំពោះមុខសាក្សី

៨. ត្រូវភ្ជាប់មកជាមួយ សំបុត្រកំណើត ឬអត្តសញ្ញាណប័ណ្ណ ឬលិខិតឆ្លងដែន

៩. សៀវភៅគ្រួសារ ឬសៀវភៅស្នាក់នៅ

១០. មេភូមិ មេឃុំ និងចៅសង្កាត់ ជាសាក្សី

យើងអាចស្វែងរកទំរង់ សេចក្ដីថ្លែងទំនាក់ទំនងគ្រួសារ នៅសាលាឃុំ ឬសង្កាត់ ឬទំនាក់ទំនងទៅកាន់សហគមន៍ឥន្ទធនូកម្ពុជា តាមរយៈលេខទូរសព្ទ ០១២ ៤៨១៥៦១ ឬ ០៩០ ៨៧៥៩២៩ ឬ www.rockcambodia.org ឬ សហគមន៍ឥន្ទធនូកម្ពុជា Rainbow Community Kampuchea-rock ៕