Fathers

រឿងថៃ ឆ្នាំ២០១៦

នៅក្នុងគ្រួសារភាគច្រើនមានឪពុកមួយ និងម្ដាយមួយ តែ ប៊ូត មានឪពុកដ៏ទៅពីរ។ តាមពិតទៅ ប៊ូត គឺជាកូនដែលត្រូវគេបោះបង់ចោលតាំងពីទើបតែកើត ហើយក៍ត្រូវបាន ហ្វូន ទទួលយកមកចិញ្ចឹម។ ទោះបីជា ប៊ូត គ្មានម្ដាយ តែគេនៅតែទទួលបានក្ដីស្រលាញ់យ៉ាងពេញលេញពីឪពុកទាំងពីររបស់គេ។ ពួគេតែងតែ ញ៉ាំបាយ ងូតទឹក និងជូន ប៊ូត ទៅសាលាជាមួយគ្នា។ ប៊ូត ពិតជារីករាយជាមួយគ្រួសារស្រលាញ់ភេទដូចគ្នាមួយគូនេះណាស់។

ថ្ងៃបុណ្យម្ដាយ ខាងសាលាគេតម្រូវអោយម្ដាយសិស្សគ្រប់រូបទៅសាលា តែ ប៊ូត មិនមានម្ដាយ ដូចនេះ យុគ ក៍ទៅជំនួស។

ភាពរីករាយនៅក្នុងគ្រួសារមួយនេះចាប់ផ្ដើមល្អក់កករ នៅពេលដែរ ប៊ូត ត្រូវបានមិត្តរួមថ្នាក់ចំអន់ពីទំនាក់ទំនងរបស់ឪពុកទាំងពីររបស់ ប៊ូត។ រហូតដល់មានការប្រើអំពើហង្សា ដែលក្រោយមកឪពុកមិត្តរួមថ្នាក់ម្នាក់នោះក៍រាយការណ៍ទៅអង្ការគាំពារសិទ្ធកុមារ ថាឪពុកទាំងពីរបានចិញ្ចឹមកូនក្នុងមជ្ឈដ្ឋានមិនត្រឹមត្រូវ ខុសពីក្មេងដ៏ទៃ។

អ្នកស្រី រ៉ាទីយា ដែលមកពីអង្ការគាំពារសិទ្ធកុមារនោះបានស្នើរសុំ ហ្វូន ជួបជជែកជាមួយ ប៊ូត ដើម្បីស្វែងយល់ពីការរស់នៅរបស់ ប៊ូត។

ក្រោយមក អ្នកស្រី រ៉ាទីយា ក៍សុំអោយ ហ្វូន អនុញ្ញាតអោយ ប៊ូត បានជួបម្ដាយបង្កើតគេម្ដង ព្រោះវាជាអ្វីដែលក្មេងគ្រប់រូបត្រូវការ។ ដំបូង ហ្វូន មិនយល់ស្របនោះទេ តែក្រោយពីស្ដាប់ហេតុផលរបស់ អ្នកស្រី រ៉ាទីយា និងម្ដាយបង្កើតរបស់ ប៊ូត ហើយ ហ្វូន ក៍យលព្រម។ ម្ដាយបង្កើតរបស់ ប៊ូត ក៍ត្រូវបានអនុញ្ញាតអោយមកលេង ប៊ូត នៅផ្ទះ ហ្វូន។

ថ្ងៃមួយ ប៊ូត បានលេងជាមួយក្មេងប្រុសដ៍ទៃទៀតនៅសាលា ដោយពួកគេលេងប៉ះប្រដាប់ភេទគ្នា ហើយអ្នកគ្រូមកឃើញ សួរនាំដឹងថា ប៊ូត ជាអ្នកចាប់ផ្ដើម ក៍ប្រាប់ពីបញ្ហារនេះទៅឪពុករបស់គេ។ ហ្វូន គិតថានេះប្រហែលមកពីទំនាក់ទំនងរបស់គេ ហើយនិង យុគ ជះឥទ្ធិពលដល់ ប៊ូត ធ្វើអោយ ប៊ូត ខុសប្លែកពីក្មេងប្រុសដ៍ទៃទៀត។ ហ្វូន ក៍សម្រេចចិត្តអោយ ប៊ូត ទៅនៅជាមួយម្ដាយបង្កើតរបស់គេវិញ។ ប៊ូត យំអង្វរ ហ្វូន កុំអោយគេទៅនៅកន្លែងផ្សេង តែក៍នៅតែគ្មានបានការ។

ចាប់តាំងពី ប៊ូត ចេញទៅ ហ្វូន មិនដែល ខលទៅជួប ប៊ូត ទៀតនោះទេ។ គេខ្លាចគេមិនដាច់ចិត្ត។ ហ្វូន គ្រាន់តែខលទៅសួរសុខទុក្ខតាមរយៈម្ដាយរបស់ ប៊ូត ប៉ុណ្ណោះ។

នៅថ្ងៃបុណ្យឪពុក ខាងសាលាគេតម្រូវអោយឪពុករបស់សិស្សទៅចូលរួមជាមួយ។ ហ្វូន និង យុគ ក៍សម្រាច់ចិត្តទៅចូលរួម មើយ ប៊ូត ពីចម្ងាយ៕

Watch Trailer