Call Me By Your Name

ហៅខ្ញុំដោយឈ្មោះរបស់អ្នក

(Call Me by Your Name)

Call Me By Your Name - 2017

នៅអ៊ីតាលី ឆ្នាំ១៩៨៣ នៅពេលដែល អូលីវើ មកស្នាក់នៅផ្ទះរបស់ អ៊ីលីអូ មួយរយៈ ប្រហែលជាមួយរដូវកាល ដើម្បីរៀបចំសន្លឹកកិច្ចការ មុនពេលបោះផ្សាយ បន្ទាប់ពីគេបញ្ចប់ការសិក្សារ ព្រោះឪពុករបស់ អ៊ីលីអូ គឺជាសាស្ត្រាចារ្យនរវិទ្យា ដែលតែងតែអនុញ្ញាតអោយសិស្សដែលទើបតែបញ្ចប់ការសិក្សាមកស្នាក់នៅ និងស្វែងយល់ដោយមិនគិតថ្លៃ នៅផ្ទះរបស់គាត់។

អ៊ីលីអូ បានអោយបន្ទប់របស់គេទៅ អូលីវើ ក្នុងកំឡុងពេលស្នាក់នៅ។ អ៊ីលីអូ តែងតែ លេងព្យាណូ សរសេរភ្លេង អានសៀវភៅ។ គេក៏មានមិត្តស្រីម្នាក់ផងដែរ ឈ្មោះ ម៉ាហ្សៀ។

អ៊ីលីអូ បានប្រាប់ឪពុកម្ដាយរបស់គេថា គេប្រហែលជាធំឡើងដើម្បីស្អប់ អូលីវើ ព្រោះគេយល់ថា អូលីវើ ជាមនុស្សវាយឬក ជាពិសេស គេស្អប់ពេល អូលីវើ និយាយពាក្យ ពេលក្រោយ ជំនួសអោយពាក្យ លា ដែលមនុស្សទូទៅប្រើ។

យប់មួយពេលកំពុងរាំ អ៊ីលីអូ ឃើញ អូលីវើ រាំយ៉ាងស្និតស្នាលជាមួយមនុស្សស្រីនៅក្នុងដំបន់នេះ ធ្វើអោយគេមានអារម្មណ៍មិនពេញចិត្ត។

អ៊ីលីអូ ចាប់ផ្ដើមមានទំនាក់ទំនងផ្លូវភេទ ជាមួយ ម៉ាហ្សៀ ហើយគេនិយាយប្រាប់ឪពុករបស់គេនៅចំពោះមុខ អូលីវើ ពីរឿងនេះ។ ប្រហែលជាគេចង់ឃើញពីប្រតិកម្មរបស់ អូលីវើ តែ អូលីវើ ហាក់មិនខ្វល់។

នៅថ្ងៃដែល អូលីវើ  មិននៅ អ៊ីលីអូ បានចូលទៅក្នុងបន្ទប់ អូលីវើ ហើយយកខោខ្លីរបស់ អូលីវើ មកស្រង់ក្លិន និងគិតពី អូលីវើ។ (រោគចិត្ត =__=)

នៅពេលទៅ ប្រៃសណីយ៍ អ៊ីលីអូ បានប្រាប់ អូលីវើ ពីអារម្មណ៍របស់គេចំពោះ អូលីវើ ។ ថ្ងៃនោះផងដែរ ក៍ជាថ្ងៃដំបូងដែលពួកគេថើបគ្នា។ ប៉ុន្តែ អូលីវើ បញ្ឈប់ ព្រោះគេខ្លាចបើនៅតែថើប អ៊ីលីអូ គេអាចនឹងមិនអាចគ្រប់គ្រងខ្លួនឯងបាន ហើយគេអាចនឹងធ្វើអ្វីច្រើនជាងនេះ។ ពេលញ៉ាំអាហារថ្ងៃត្រង់ អ៊ីលីអូ ឈាមច្រមុះ គេរត់ចូលទៅក្នុងផ្ទះដើម្បីយកទឹកកកមកស្អំ។ អូលីវើ ទៅតាមដោយក្ដីបារម្មណ៍។ អូលីវើ បានធ្វើសរសៃបាតជើងអោយ អ៊ីលីអូ ហើយក៍បានថើបប្រអប់ជើងរបស់ អ៊ីលីអូ ផងដែរ។

ពួកគេថើបលើកដំបូង

អូលីវើ ធ្វើសរសៃបាតជើងអោយ អ៊ីលីអូ

ម្ដាយរបស់ អ៊ីលីអូ បានចាប់អារម្មណ៍ថា អ៊ីលីអូ និង អូលីវើ ចាប់ផ្ដើមចូលចិត្តគ្នាកាន់តែច្រើនឡើង។ គាត់ក៏បានឃើញខ្សែករបស់ អូលីវើ នៅលើកូនប្រុសរបស់គាត់ផងដែរ។

មិនដឹងចាប់ពីពេលណា តែ អ៊ីលីអូ ចាប់ផ្ដើមសួររក អូលីវើ គ្រប់ពេលដែលគេមិនឃើញ អូលីវើ ។

អ៊ីលីអូ ទុកសំបុត្រមួយអោយ អូលីវើ។ ហើយក៏ទទួលបានមួយមកវិញពី អូលីវើ ណាត់ជួបគ្នានៅពាក់កណ្ដាលយប់នេះ។ យប់នេះក៏ជាលើកដំបូងផងដែរ ដែលពួកគេគេងជាមួយគ្នា។ អូលីវើ ខ្សឹបប្រាប់ អ៊ីលីអូ «ហៅខ្ញុំដោយឈ្មោះរបស់អ្នក ខ្ញុំនឹងហៅអ្នកដោយឈ្មោះរបស់ខ្ញុំ»។

អូលីវើ ប្រាប់ អ៊ីលីអូ ថាគាត់ពិតជាសប្បាយចិត្តដែលបានគេងជាមួយ អ៊ីលីអូ ហើយគាត់ពិតជាខ្លាចថាគាត់នឹងធ្វើអោយជីវិតរបស់ អ៊ីលីអូ មករញ៉េរញ៉ៃ និងមានភាពស្ដាយក្រោយ។

អូលីវើ បានអោយអាវដែលគាត់បានពាក់ពេលជួប អ៊ីលីអូ លើកដំបូង ទៅ អ៊ីលីអូ។ អ៊ីលីអូ រត់កាន់អាវនោះយ៉ាងរីករាយ។

មុនពេល អូលីវើ ត្រលប់ទៅទីកន្លែងគេវិញ ឳពុកម្ដាយ អ៊ីលីអូ បានអនុញាតអោយ ពួកគេទាំងពីនាក់ធ្វើដំណើរកំសាន្តជាលើកចុងក្រោយតែពីនាក់។

នៅចំណតរថភ្លើង អ៊ីលីអូ ពាក់អាវដែល អូលីវើ អោយមកជូនដំណើរ អូលីវើ។ ពួកគេមិនបាននិយាយអ្វីទាំងអស់។ ជាមួយនឹងភាពស្ងៀមស្ងាត់ អូលីវើ អោបលា អ៊ីលីអូ ជាចុងក្រោយហើយក៏ចាកចេញទៅ ទុកអោយ អ៊ីលីអូ នៅឈគ្រាំគ្រាចិត្តម្នាក់ឯង។

នៅថ្ងៃបុណ្យ ហានុកាហ៍ អូលីវើ​ បានខលមក ប្រាប់ពីដំណឹងដែលគេជិតភ្ជាប់ពាក្យនឹងនារីម្នាក់។ អ៊ីលីអូ បានហៅឈ្មោះរបស់ខ្លួនឯងទៅតាមទូរស័ព្ទ ជាច្រើនដង អូលីវើ ក៏ឆ្លើយតបដោយការហៅឈ្មោះរបស់ខ្លួនឯងដូចគ្នា។ អូលីវើ ប្រាប់ថា គាត់ចងចាំរឿងគ្រប់យ៉ាង។