Brokeback Mountain

2005

រដូវក្ដៅ ឆ្នាំ​១៩៦៣ នៅសហរដ្ឋអាមេរិច ជែក និង អ៊ិននិស បានទៅធ្វើការជាអ្នកគ្វាលចៀមមួយរដូវកាល នៅលើភ្នំ ប្រូកបែក។ ពួកគេត្រូវបោះតង់គេងនៅលើភ្នំនោះ ដើម្បីមើល និងថែរក្សារចៀម។

ជែក និង អ៊ិននិស ជួបគ្នាលើកដំបូង

ពួកគេម្នាក់គេងខាងក្រៅតង់ ម្នាក់ខាងក្នុងតង់ ប្រហែលជាផ្លាស់ប្ដូរវេនគ្នា។ តែមានយប់មួយ ត្រជាក់ខ្លាំង ខណៈពេលដែល អ៊ិននិស គេងខាងក្រៅតង់។ ជែក លឺ អ៊ិននិស ដេកថ្ងូរព្រោះតែភាពរងារ ជែក ក៍ហៅ អ៊ិននិស មកគេងក្នុងតង់ជាមួយ។ នៅពេល អ៊ិននិស គេងលក់ ជែក បានទាញយកដៃរបស់ អ៊ិននិស មកដាក់នៅត្រង់អវយវៈក្រោមរបស់ខ្លួន ធ្វើអោយ អ៊ិននិស ភ្ញាក់ស្ទុះក្រោកយ៉ាងលឿន។ នេះក៍ជាយប់ដែលពួកគេ រួមភេទជាមួយគ្នាជាលើកដំបូង។

យប់បន្ទាប់ អ៊ិននិស បានដើរយឺតៗមកកាន់តង់ដែល ជែក កំពុងសម្រាក។ ពួកគេបានថើបគ្នាជាលើកដំបូង។

ព្រោះតែព្យុះទឹកកក បានធ្វើអោយចៀម បាត់បង់ និងរបួស។ អ៊ិននិស មិនសប្បាយចិត្តនោះទេ ព្រោះគេនិងមិនទទួលបានថ្លៃ មើលចៀមពីឈ្មួញ។ ជែក ឃើញ អ៊ិននិស អង្គុយស្រងូតស្រងាត់ម្នាក់ឯង ក៍ព្យាយាមទៅធ្វើអោយ អ៊ិននិសសប្បាយចិត្តវិញ តែ អ៊ិននិស បែរជាខឹង។ ពួកគេបានប្រតាយប្រតប់គ្នា​។ ជែក ជ្រុលដៃចំមុខរបស់ អ៊ិននិស បណ្ដាលអោយ អ៊ិននិស ឈាមច្រមុះ។ ជែក ព្យាយានចូលទៅសុំទោស អ៊ិននិស តែត្រូវ អ៊ិននិស ដាល់មួយដៃ។

ការមើលថែចៀមត្រូវបានបញ្ចប់ ជែក បបួល អ៊ិននិស មកដាក់ពាក្យធ្វើការងានេះម្ដងទៀត នៅរដូវកាលក្រោយ តែ អ៊ិននិស បដិសេធ ព្រោះគេត្រូវរៀបការបន្ទាប់ពីនេះ។ តែ អ៊ិននិស ថាគេអាចនឹងមកម្ដងទៀត។

អ៊ិននិស រៀបការជាមួយ អែមម៉ា បានកូនស្រីពីរនាក់។

រដូវក្ដៅបានចូលមកដល់ម្ដងទៀត ជែក បានមករកការងារនេះម្ដងទៀត និងឆ្លៀតសួររក អ៊ិននិស តែមិនបានទាំងពីរ។

ជែក រៀបការជាមួយ ឡូរ៉ែន កូនស្រីអ្នកមាន ដែលបានស្គាល់គ្នានៅកន្លែងប្រណាំងសេះ។ ពួកគេបានកូនប្រុស១។

បួនឆ្នាំបន្ទាប់មក ជែក បានមកជួប អ៊ិននិស ម្ដងទៀត នៅផ្ទះរបស់ អ៊ិននិស។ ពួកគេបានថើបគ្នានៅខាងក្រោមផ្ទះដោយក្ដីនឹករឮក។ អែមម៉ា បានឃើញ តែនាងធ្វើជាមិនដឹង។

ពួកគេទៅភ្នំជាមួយគ្នាម្ដងទៀត ដោយប្រាប់ អែមម៉ា ថាពួកគេទៅស្ទូចត្រី។ អែមម៉ា យំបន្ទាប់ពីពួកគេទៅបាត់ ព្រោះនាងដឹងថាមិនមែន។

ចាប់តាំងពីពេលនោះមក ពួកគេតែងតែទៅភ្នំនោះ ពីរ ទៅ បី ដងក្នុងមួយឆ្នាំ។

អ៊ិននិស និង អែមម៉ា បានលែងលះគ្នា។

ថ្ងៃមួយ អ៊ិននិស បានទៅញ៉ាំបាយពេលល្ងាចជុំកូននៅផ្ទះគ្រួសារថ្មីរបស់ អែមម៉ា។ អ៊ិននិស ឈ្លោះគ្នាជាមួយ អែមម៉ា ព្រោះ អែមម៉ា បានប្រាប់ អ៊ិននិស រឿងដែលនាងដឹងរវាង អ៊ិននិស និង ជែក។

អ៊ិននិស បានទាក់់ទងស្ត្រីថ្មី តែមិនរៀបការទៀតនោះទេ។ តែ អ៊ិននិស នៅតែទៅជួប ជែក នៅលើភ្នំនោះដ៍ដែល។

បន្ទាប់ពីខានជួប ជែក មួយរយៈ ហើយមិនអាចទាក់ទងបាន អ៊ិននិស ក៍ទូរស័ព្ទទៅផ្ទះរបស់ ជែក ក៍ទទួលដំណឹងពីប្រពន្ធរបស់ ជែក ថាគេបានស្លាប់បាត់ទៅហើយ។ ឡូរ៉ែន ប្រាប់ អ៊ិននិស ថា ជែក ធ្លាប់ប្រាប់នាង ថាគេចង់អោយឆ្អឹងរបស់គេ ត្រូវបានកប់នៅលើភ្នំ ប្រូកបែក តែនាងមិនដឹងថាវានៅទីណានោះទេ ក៍យកធាតុ ជែក ទៅស្រុកកំណើតរបស់គេវិញ។ 

អ៊ិននិស បានទៅស្រុកកំណើតរបស់ ជែក ជួបនិង ឪពុកម្ដាយរបស់ ជែក។ អ៊ិននិស បានទៅបន្ទប់របស់ ជែក ហើយឃើញអាវដែល ជែក ធ្លាប់ពាក់់ មានប្រឡាក់ឈាម គេយកវាមកថើប មុននឹងសុំវាពីឪពុកម្ដាយរបស់ ជែក យកត្រលប់ទៅជាមួយ៕